Passenta temp cun autras musicistas e musicists en in lieu spezial

Mintga giada tramettain nus 4 – 5 chantauturas, producentas, tecnicistas da tun ni autras musicistas e musicists da differentas spartas e regiuns durant 3 – 5 dis en in «lieu creativ».

Carte blanche – i dat ni directivas ni finamiras ni in tema central. La tscherna da las persunas participantas vegn fatga da Helvetiarockt a man da la regiun, da la sparta e da la vegliadetgna. Mintga musicist e musicista ha ses agen conturn, ses agens partenaris e partenarias naziunalas ed internaziunalas. Pli gronda che l’atgna rait daventa e dapli schanzas e pussaivladads che sa dattan en il futur.

Ti dovras ina commembranza tar Helvetiarockt per sa participar al program da residenza. Ti pos far quai qua (sche ti n’has anc betg gia fatg).

Cuntegn

Tge che las participantas ed ils participants fan durant la residenza schai dal tuttafatg en lur mauns. Nus purschain spazi e temp, lunsch davent dal mintgadi. Sche ti t’annunzias per las residenzas da “powerplay” u “musigstöckli”, ta cussegliain da nizzegiar las pussaivladads da studio. Quai includess da communitgar ordavant ils plans da studio. Mangià vegn ensemen cun l’ulteriura gruppa per sa barattar e per emprender d’enconuscher in l’auter.

Equipament tecnic

Ti portas cun tai quai che ti vul nizzegiar. Els ils lieus da residenza datti in pau equipament ed in local da musica/plirs studios.

Termins ed annunzia

Nus vulain colliar musicistas e musicists sin plaun naziunal e crear novas raits – perquai consista la residenza ideala da musicistas e producentas che n’enconuschan anc betg in l’auter e che derivan da differentas regiuns geograficas. Igl è impurtant che ti possias esser preschent durant l’entir temp.

Questa purschida n’ha per il mument betg lieu en tia regiun linguistica. Mida la lingua en tudestg, franzos u englais e ve a savair dapli.