Team

• 

  Alice Reinhard

  Fundrasing, concepziun e mesiraziun da l’effect

  Alice ans ha impraschunà gia tar l’emprim inscunter cun ses sentiment per precisiun textuala cumbinà cun sia finezza politic-culturala. Svelt èsi stà cler che nus lain ch’ella lavura per Helvetiarockt. E quai avain nus dumagnà😊. Dapi l’avust 2023 lavura Alice en il Fundraising e la concepziun da l’uniun. Quai fa ella cun in pensar vast, ina vehemenza rinfrestganta e perseveranza. Ella metta en dumonda, tschertga e chatta soluziuns creativas. Analitic. Organisà.

  Latiers siglia ella gugent mintgatant en l’aua fraida e sa lascha infectar da novas ideas. E quai el vair senn dal pled pertge tar temperaturas chaudas da stad sa sfradenta ella gugent ina giada u l’autra en il bigl da la citad.

  La Lucernaisa che abitescha a Basilea ha gugent la lingua, nagina miracla che ses curs da vita cuntegn engaschaments en ils quals ella ha pudì amplifitgar e viver precisamain questa abilitad. Blers onns ha ella lavurà tar il radio da giuventetgna-, cultura e da scolaziun 3FACH sco redactura e moderatura e pli tard era en la direcziun dal radio. Sia amur per la musica e la cultura viveva e viva ella dentant er durant la collavuraziun da differents festivals: Al Comix Festival Fumetto, a l’Openair Funk am See ed en il team d’organisaziun dal Festival Echolot.

  Ses grond interess per dumondas sociopoliticas ha manà ella gia a Vienna, nua ch’ella ha absolvì in master da politologia ed era testà la tut ils bogns averts da la citad. La colliaziun cun sias ragischs n’ha ella entant mai pers dal tut. Uschè ha Alice scrit durant ses temp en l’Austria per il med da cultura online lucernais Kultz, avant ch’ella è lura era turnada fisicamain en Svizra.

  Ella è ni uman da la damaun ni da la saira, Alice è in fan da l’ura blaua. Sia pasch chatta ella per fortuna dentant er en auters temps dal di, p.ex. sin la sella dal velo, surtut cur ch’i va taiss ensi, cun trair las tomatas en la curt u durant tadlar ses medium preferì, il podcast.

   

  alice@helvetiarockt.ch

  Pronom: ella

• 

  Anita Rochedy

  Management regiunala – Helvetiarockt Music Lab

  Anita è in’olma ardenta ch’è vegnida sin il mund el nordvest dal sidost da la Frantscha e che abitescha dapi 20 onns en Svizra. Suenter in interessant decenni a Genevra ha ella pers ses cor a Bienna nua ch’ella sa deditgescha a sia passiun per linguas e musica.

  Ella è in’endretga poliglota – franzos, englais, talian e tudestg. Sper sia occupaziun tar Helvetiarockt è ella translatura litterara. Ses emprims pass en il mund da translaziun ha ella fatg cun texts da Bryan Ferry, in regal per ses bab ed in omagi a sia amur per la musica sunada live. Oz translatescha ella cunzunt romans e poesias savens cun muntognas maiestusas sco culissa.

  Musicalmain e politicamain è Anita part da la scena da DIY, influenzada dal “antifolk” e dal “post-punkt” – ina maschaida che lascha batter ses cor creativ pli spert. A Bienna s’engascha ella en divers projects, davent dal collectif radio ultraviolet·t enfin tar il Quai du bas. Ella ama da chantar ed è activa en dus chors, tut tenor project e luna. Plinavant ha ella fundà il ciné-club en il Amikino che fa actualmain bain ina pausa, che vegn dentant bainprest enavos – empermess!

  E gie, malgrà sia statura fina, na duess nagin carstgaun passar ad ella giu per ils pais, cunzunt betg durant in concert:)! E flexibilitad e skerz linguistic mussa ella era tar ses num, che nus dastgain gugent era duvrar da davant enavos.

   

  anita.rochedy@helvetiarockt.ch

  Pronoms: ella / ses

• 

  Anita Schaub

  Communicaziun & management da projects

  Anita è in chau creativ, in talent d’organisaziun, ina giugadra da team. Betg da smirvegliar che sia carriera tar Helvetiarockt n’ha betg chala suenter ch’ella ha fatg substituziun temporara da la direcziun da la communicaziun, mabain ch’ella ha tras quai anc survegnì dapli schlantsch! En il fratemp maina ella divers projects fixs, dasperas s’occupa ella er anc dals basegns grafics da la squadra e zambregia e lavura cuntinuadamain vid la pagina d’internet.

  Avant sia era tar Helvetiarockt ha ella collavurà tar il GHOST Festival e tar la fundaziun EQUIPE VOLO en la communicaziun, tar quella ha ella alura era gist sezza gidà a la front. Tar midadas runà ella ensemen cun las clientas e clients las chistas e las charrotschas grondas. Prender per mauns chaussas è insumma insatge ch’ella fa gugent: Saja quai en biro u a chasa, Anita fa quai ch’i è da far e quai senza far lungas, saja quai cun il laptop sin las chommas u cun il tirastruvas a battaria enta maun.

  Sche Anita n’è betg gist da chattar en il biro, lura lavura ella vid ils texts e graficas per sia clientella da ses agen atelier da grafica u sa mesira cun ses cun figl en il sport da siglir da la tur, volley u ballabasket. Forsa è ella dentant era svanida insanua en la natira, lunsch davent da la civilisaziun, insanua dal tuttafatg senza rait. Adina da la partida èn dentant ses uregliers perquai che la musica è ses elixier da vita: soul, hip hop, reggae e dub fin ad electro tunan quasi permanentamain tras sias ureglias. Per manifestar quai er a moda corporala, sauta ella, cura ch’igl è pussaivel, enfin baud la damaun tar x-in concert u party – cun preferenza da drum’n’bass e jungle – e chargia uschia ses accu da beat.

  Pronoms: ella/ses

  anita@helvetiarockt.ch

• 

  Céline Gex

  Fundraising Romandie

  Infos folgen…

  celine@helvetiarockt.ch

  Pronom: ella

• 

  Hazbi Avdiji

  Direcziun Helvetiarockt On Tour e diversity roadmap

  Dass Hazbi, Zitat, «weinen könnte vor Freude beim Anblick seines Betts» würde mensch niemals denken, wenn mensch Hazbi bei der Arbeit erlebt. Sprühend vor Tatendrang und stets verborgene Zusammenhänge entlarvend, verschreibt sich Hazbi, entschuldigung, Dr. Hazbi, vollkommen der guten Sache.

  Woher diese alles überblendende Energie und gleichzeitig Hazbis beneidenswerte Klarheit kommt? Vielleicht daher, dass Hazbi gefühlt mehrere Leben gelebt und sich wie eine Raupe bis zum Schmetterling stets weiterentwickelt hat: Hazbi hat den Krieg erlebt, die betrunkene Tina Turner heimbegleitet, die gezogenen Zahlen beim Bingo verkündet, hunderte von Studierenden unterrichtet, diverse Auszeichnungen eingeheimst, sich durch eine Erkrankung gekämpft und toxische Männlichkeit aus seinem Leben gestrichen.

  Zusätzlich macht Hazbi Musik, die bereits Rihanna zu Ohren gekommen ist und kuratiert Events wie die Queer Balkan Disco in Zürich.

  Unseren Alltag erhellt Hazbi nicht nur mit seinem kritischen Denken, seiner Direktheit und seinem Blick für das grosse Ganze, sondern auch mit einer stets ausgeklügelten Wahl von Outfits, die nie angestrengt wirkt und dennoch andere Fashionistas im Büro komplett in den Schatten stellt.

   

  hazbi@helvetiarockt.ch

  Pronom: dey/dem, er/ihm

• 

  Kathy Bajaria

  Co-direcziun Helvetiarockt Music Lab

  Kathy è nossa globetrottera. Ella ha ragischs indicas ed austriacas, è creschida si a Sheffield, ha vivì a Liverpool, Berlin ed Amsterdam e siemia mintgatant dascusamain dad ina vita al mar. Ella ha vivì passa 20 onns a Lucerna e ha influenzà da vegl ennà la vita culturala locala cun l’organisaziun da concerts, partis ed occurrenzas politicas. Oz viva ella a Berna nua che ti entaupas ella franc qua e là a concerts.

  Kathy è stada cunresponsabla dapi l’entschatta 2018 per il Music Lab e ha era manà il project da podcast Musicians in Convesation. Dapi il 2022 coordinescha ella la community e da las purschidas sin champ naziunal. Sco entusiasta da musica e dj e sco scolada managera da cultura, guida da viadi per gruppas da giuvenils e coach da ballape e tennis po ella applitgar qua la gronda dimensiun da sias experientschas. Vitiers vegn sia vista globala e la visiun globala da gronds contexts. A moda e maniera impressiunanta collia ella umans e projects decisamain in cun l’auter. La gronda savida ed il vast interess en il champ da cultura e societad da Kathy animeschan nus di per di. Vitiers vegn sia natira calma englaisa, ch’è nunpajabla en mintga discussiun chalurusa. Gnanc aua fraida fa vegnir ella gritta. Uschia poi capitar, che ti vesas ella anc la fin d’atun a nudar en il Lai dals Quatter Chantuns, la Limmat u l’Aara.

  kathy@helvetiarockt.ch

  Pronom: Ella / They

• 

  Letizia Carigiet

  Co-direcziun tar Helvetiarockt On Tour & Diversity Roadmap

  Ins savess manegiar che Letizia ha gia scuvert il feminissem en tgina. La grischuna* s’engascha cun divers projects per in meglier mund senza sa far da grond. Ella fa lavur da campagna per «Flirt Don’t Hurt» e «16 dis cunter violenza envers dunnas» ed è cuninizianta dal festival Queens* of Hip-Hop. Ella ha studegià scienza litterara tudestga, filologia d’ediziun e scienza da teater, ha manà il project da mentoring da la generaziun giuvna «womentoring» ed è s’engaschada en la politica da furmaziun e giuventetgna. Suenter ha ella lavurà sco collavuratura scientifica en in project da perscrutaziun a l’universitad da Berna.

   

  A l’entschatta ha ella manà ils Bandworkshops ed il project musicdirectory.org. Dapi il 2022 è Letizia activa en la co-direcziun dals project Diversity Roadmap & On Tour ed è nossa experta spezialisada per il tema da violenza sexualisada en clubs ed a festivals. Inputs frestgs e dumondas criticas èn il rom spezial da Letizia. Malgrà, u gist pervia da sia natira analitica e quieta, procura ella cun ses umor sitg regularmain per grondas risadas. Sche quai avess betg pli da tanscher en in cas da crisa, savain nus, ch’ella ha in davos ass en la mongia. Cun ses «Silly Dance» cura ella tut las plajas.

   

  letizia@helvetiarockt.ch

  Pronom: Ella

• 

  Lula Pergoletti

  Communicaziun

  Avant che Lula è sa participada al team da Helvetiarockt è l’anteriura co-manadra da bee-flat viagiada cun il bus renovà sez da l’Italia sur la Croazia, la Bosnia, l’Albania fin la Grezia e lura en la Tirchia. Quai ha enritgì sia vita ch’era uschia ni uschia gia plaina, cun numerusas impressiuns, anecdotas ed inscunters. Sper la musica han adina era ils pleds gì ina gronda muntada per ella. Durant plirs onns è ella stada ina forza marcanta tar l’organisaziun da festivals da litteratura e musica el conturn da Berna.

  Lula deriva d’ina famiglia d’artistas e d’artists ed era gia da pitschna buoba da chasa en las salas da teater e concert. Sco teenie ha ella dà ora tut ses daner da satg per DC’s, vinil e concerts ed è mintga fin d’emna viagiada tras l’entira Svizra per ir a concerts e festivals. Pli tard ha ella sezza mess si musica cun plattas da vinil tar differentas occurrenzas. Spert ha sia via professiunala lura manà ella en la cultura, saja quai sco redactura da l’agenda culturala da Berna u sco organisatura.

  Per esser ventiraivel na dovra Lula betg bler, quai ha ella gia cumprovà sin ses viadi da 6 mais tras il Balcan. La musica – saja quai live u da vinil – appartegn per ella dentant tar mintga situaziun da vita. Perquai ch’ella è fitg alerta, interessada e versada è ella spert fieu e flomma ed iniziescha cun passiun era ses agens projects.
  En ses temp liber giauda ella da mangiar bun e bain e da filosofar cun sias amias e ses amis. Ni ch’ella legia, fa lungas turas da velo u gioga qua u la in gieu da video.

  Adina bain organisada trair ella il char da la communicaziun tar Helvetiarockt. Ch’ella di da sa sezza ch’ella na vegnia savens betg da serrar la bucca vegn da bun ad ella tar quella lavur. Cun in zic argient viv, ma il medem mument era uschè clar ed cun energia positiva è ella la persuna perfetga per quest mandat. Ella preschenta a ses concarstgauns, uschia era al team da Helvetiarockt, mesiras e concepts bain ponderads e sche pretendì era soluziuns pragmaticas – ma quai adina cun bler ruassaivladad e fidanza.

   

  lula@helvetiarockt.ch

  Pronoms: ella/ses

• 

  Mara Wehofsky

  Kommunikation, Social Media

  Infos folgen…

   

  mara@helvetiarockt.ch

  Pronom: sie/ihr

• 

  Muriel Rhyner

  Direcziun purschidas Producing & Songwriting

  Sur 600 concerts en l’in- ed exteriur. Tschintg portatuns. Dudesch onns Delilahs. Muriel è musicista, chantautura, organisatura da concerts e manadra da project. Gia cun dudesch ha ella scrit sias emprimas atgnas chanzuns, pauc suenter ha ella tschappà ina ghitarra da bass ed è sa profilada en la branscha sco autodidacta.

   

  Tar Helvetiarockt s’engascha ella gia dapi l’emprim di. 2015 ha ella sviluppà la purschida Helvetiarockt Songwriting Camp e dapi 2018 realisescha ella ulteriuras purschidas per musicistas professiunalas. Cun sia natira frestga resista ella a ses pitschen pensum e rabitscha ora il maximum da sias resursas. Intern porta ella l’onuraivel surnum «catapult d’ideas» e fa era betg cas da surprender incumbensas administrativas. Sco coach dal Bandworkshop a Berna e manadra dal Helvetiarockt Songwriting Camp a Zug piglia ella lura vairamain fieu ed infecta dunnas giuvnas cun sia passiun. Cun sias differentas rollas enritgescha ella noss team e contribuescha fitg bleras perspectivas impurtantas. Ella suna sin grondas tribunas, instruescha dapi onns, è sezza interessada vi da bunas purschidas e sa zunt precis tge ch’i vul dir, da purtar niev vent en la branscha sco dunna.

   

  muriel@helvetiarockt.ch

  Pronom: Ella

• 

  Petra Fässler

  Management regiunal Svizra orientala/centrala

  Petra ston ins simplamain avair vis. Cura ch’ella organisescha sco manadra regiunala lavuratoris da la Svizra centrala e orientala, ha ella era en muments da stress adina in spruh frech sin las lefzas, accumpagnà d’in rir malizius ed ina sbrinzla da furbaria en ils egls. Ella porta il cor sin la lieunga ed ins po fascinar ella extraordinari spert. Uschia s’angascha Petra cun entusiassem per la giustia dals genders e la promoziun da la generaziun giuvna. La generaziun giuvna es l’avegnir, tut per la chaussa.

  Ch’ella prenda adina enta maun insatge e quai cun mongias fatgas si, ha forsa era da far cun la via professiunala che Petra ha gì avant Helvetiarockt: Avant ch’ella è vegnida tar nus el team, ha sia via manà ella davent da la sutga da biro sin la sutga da mulscher nua ch’ella ha passentà duas stads si d’alp. Ses grond cor batta dentant gia daditg per la musica, ella suna ghitarra ella band Riot Robin.

  Dal lain schiit ed il brassar tar il jodlar feministic, dal giugar ballape en la liga alternativa tar il far cun crutsch legums: Petra ha interess multifars e posseda ina massa talents zuppads ch’enritgeschan noss mintgadi cun in tatg da colur plain traglischur. Nus da Helvetiarockt na pudessan betg s’imaginar co i fiss senza sia energia, ses umor e sia moda directa.

   

  petra@helvetiarockt.ch

  Pronomen: Sie/ihr

• 

  Regula Frei

  Fundrasing, concepziun e mesiraziun da l’effect

  Quantas notgs senza sien che Regula dumbra dapi ses temp tar Helvetiarockt, è in bain protegì misteri da la branscha da musica svizra. 2011 era ella l’emprima emploiada da Helvetiarockt en in stgir chamberlet, ussa lavura ella cun in team da pliras persunas vers sia finamira d’egualitad. Sch’ella patratga en ina minuta ruassaivla vid quest svilup – curran anc oz las larmas. Ruassaivel èsi tar Regula tuttina fitg darar. Sche ti has gia entupà sia egliada clera, sas ti, ch’ella na bajegia nagins chastels en l’aria, mabain realisescha be projects concrets. Dasperas perda ella mai ord vista il niz effectiv, metta adina en dumonda il pertge e per tgi.

   

  Sco scolasta e furmatura da creschids procura ella plinavant per auts criteris didactics. Latiers vegnan sias vastas experientschas. Be paucs san pretender da sasez, da gia avair furnì buna lavur tar la gronda VFF sco era tar la famigliara stiva en il PROGR. Ma betg mo professiunalmain, mabain era sco uman è Regula in grip en las undas e cun sia moda averta po ella stgaffir approximitad, che resta. Nua ch’ella passenta sia saira sontga? Sco bassista en la glisch da la tribuna.

   

  regula@helvetiarockt.ch

  Pronom: Ella

• 

  Sophie Kuhn

  Leitung Administration & Finanzen

  Il pli tard il 2004 ha Sophie fatg public sia passiun per la musica, cultura ed il moviment dals giuvens cun sia commembranza activa en il Gaskessel. Gia sco uffant sfundrava ella en il mund da la musica. Il Gaskessel è uschia stà l’emprima staziun da practicum suenter sia scolaziun à l’Ecole supérieure de commerce a Neuchâtel. Pli tard ha ella manà l’administraziun sco era la bar. Lasuenter è Sophie partida per novs champs professiunals. Durant 8 onns ha ella lavurà en l’administraziun d’immobiglias cun ina fermativa en l’administraziun da salari, la contabilitad da las finanzas e l’assistenza da direcziun. Simultanamain ha ella cumenzà ina scolaziun sco terapeuta d’essenzas da flurs tenor Bach per chauns.

   

  Dapi il 2020 maina Sophie nossa administraziun e las finanzas. Ses know-how sfruscha a nus dapi il cumenzament enturn las ureglias. Sophie fa. Ella fa urden. Furnescha novas structuras. Reconstruescha. Erigia. E quai uschia che era noss mantun, mintgatant sturns da creativitad, chapescha per tge ch’i va. Sophie simplifitgescha process, creescha survistas e metta uschia l’entira uniun sin pilasters solids. E durant quella gronda lavur infecta ella nus era anc cun sia quietezza pragmatica. Ma na betg mo la quietezza distingua Sophie, ella sa era strapatschar e finir. Ses talent è: Savair cu i drova tge groove. E sch’ella na po betg pli savurar il biro, lura siglia ella sin il chaval u che ti entaupas ella cun ses dus chauns a la Aara.

   

  sophie@helvetiarockt.ch

  Pronom: Ella

• 

  Val Mahler

  Management regiunal nord

  Infos folgen…

  val@helvetiarockt.ch

  Pronom: keine