Retschaiva tes coaching per tia band!

Ti has gia ina band e vus vulais far ils proxims pass suenter la fundaziun? Lura è il band coaching da  Helvetiarockt exact l’endretg per vus.

Durant plirs mais accumpognan vus ina u pliras persunas cun experientscha. Ensemen definis vus vossas finamiras e lavurais vi da tut quai che porta vinavant vossa band. musica, tun, collavuraziun, concerts, ediziun ed il business da musical.

Il band coaching cumpiglia max. 25 uras dal mars enfin november.

A tgi sa drizza questa purschida?

Gruppa en mira 1: Bandworkshop Advanced

Absolvent*as dals bandworkshops che vulan lavurar vinavant sco band e dovran sustegn– saja quai cun il «booking», cun edir las emprimas chanzuns, cun navigar en la scena da musica u cun furmar la rait da contacts. 

Gruppa en mira 2:

Bands activas ch’èn part da la communitad da Helvetiarockt. Almain 75% da la band èn persunas FINTA – mattatschas e dunnas giuvnas, persunas intersexualas, nunbinaras, trans ni agender. Commembr*as da la band n’èn in tras l’auter betg pli vegl*as che 25 onns.

Tge vegn purschì?

Ils cuntegns vegnan definids individualmain cun vus. Temas pussaivels pon esser:

• Musica & sound: scriver chanzuns en la gruppa, svilup dal set, structura da las provas e svilup musical
• Performance & tecnica: preschientscha sin tribuna, utensils sin tribuna, communicaziun cun las persunas da la tecnica
• Studio & ediziuns: preparaziun per registraziuns, planisaziun d’in release, urari, incumbensas, producziun, promoziun
• Dinamica da band: Las rollas en la band, conflicts e procedura da decisiun, process da lavur
• Business da musica & rait da contacts: «booking» da concerts, lavur da project & fundraising, contacts entaifer la scena, orientaziun generala en il business da musica