Moduls da tecnica dal tun en il context da studio

T’interessescha la tecnica dal tun e la registraziun? Vuls ti engrondir tes orizont a moda pratica?

«Recording Step by Step» as drizza a persunas interessadas dal sectur da la tecnica dal tun e da las registraziuns da studio. En plirs lavuratoris durant in mez onn emprendas ti las enconuschientschas da basa da la tecnica dal tun en il context da studio. Ti planiseschas ina sesida da registraziun e registreschas cun agid dals coaches e dals auters participants e participantas ina band en il studio da tun. Sco finiziun pos ti giugar cun il reglader e maschadar ina chanzun cun agid d’ina software da musica.
Ils 8 (kick-off, 6 moduls, kick-out) han lieu las sondas tranter favrer e fanadur 2024. Cumenzà vegn cun in kickoff ils 17 da favrer 2024.

Ti na dovras naginas enconuschientschas da basa e nagins meds tecnics. Tut quai che ti duais purtar cun tai è l’interess per la tecnica dal tun ed il plaschair d’emprender novas abilitads.

Quests lavuratoris sa drizzan a mattas, a dunnas, a persunas inter, nunbinaras, trans ed a persunas agender.

Questa purschida n’ha per il mument betg lieu en tia regiun linguistica. Mida la lingua en tudestg, franzos u englais e ve a savair dapli.