Deep dive Workshops

Co finanziain nus nossa musica? (p.ex. creaziun, registraziun / video / custs da producziun, finanziaziun per ir sin turnea)

Co contextualisain nus noss projects en la vita sociala? Co colliain nus els cun partenaris potenzials, nua chattain nus els, co s’avischinain nus ad els? Tge tenuta e lingua duvrain nus per pledentar els?

Co scrivain nus concepts, applicaziuns e dossiers uschia ch’els fan senn vers anen ed era vers anora? Tge va tras il chau a quels e quellas che prendan las decisiun cura ch’els legian nossas applicaziuns?

Co va la finanziaziun a prà cun la planisaziun dal project, l’organisaziun e la realisaziun? Quant temp dovri? Vali sco incumbensa separada u è ella integrada structuralmain e concepziunalmain en il project? Co garantin nus che nossas pussaivladads da finanziaziun èn adina diversifitgadas e pon era vegnir amplifitgadas?

Pudain nus ponderar las strategias da finanziaziun a moda cooperativa? Co stat la finanziaziun dal project en connex cun ils cuntegns dal project? Tge relaziuns datti cun ils partenaris da promoziun? Tge pon il “management da relaziuns cooperativ” u las “strategias en svilup” avair da far cun quai? Pon sfidas da finanziaziun era esser insatge bun? Tge pon esser trics e tips ed anecdotas da persunas ch’en activas en l’art e cultura?